楊紫瓊笑言正與未婚夫揀特別的日子結婚。

國際巨星楊紫瓊昨日出席護膚品牌活動時表示,剛從非洲完成道路安全慈善活動返港,早前透露會結婚的她笑言現正努力與未婚夫Jean Todt揀日子辦婚禮:「希望搵個特別、有意思嘅日子,但未知日子。(相識紀念日結?)有諗過,但想搵個再特別日子。(地點?)喺馬來西亞,因為父母喺嗰度。不過今年我哋好忙,要飛六個地方做道路安全活動,度唔到期。(今年成事?)今年真係好難。」她表示婚禮要請很多人,不排除會於不同的地方擺酒,或於一個地點大搞。

楊紫瓊笑言正與未婚夫揀特別的日子結婚。

提到早前為馬來西亞總理納吉布拉票,被當地民眾抨擊為傀儡,更指要抵制她的電影時,公關即時為她擋駕說:「今日唔講呢啲。」但她仍大方地說:「政治呢啲,之前喺馬來西亞已經講晒。(避談?)識我嘅人知我好直,有嘢就會講。」