張家輝隨汽車墮海後被壓得面貼擋風玻璃,狀甚痛苦!

張家輝近月埋首為寰宇新片《掃毒》趕工,前日下午導演陳木勝拉隊拍攝一場汽車墮海及家輝被困車廂掙扎求存的戲份,家輝被「水壓」逼得面貼後座擋風玻璃,成功脫險後,頭部卻被壓在車門罅縫中,分分鐘假戲真做可能窒息,加上海水低溫令他不停牙關打震!

張家輝隨汽車墮海後被壓得面貼擋風玻璃,狀甚痛苦!

他昨日接受電話訪問時卻相當淡定:「我拍咗咁多年動作戲,如果覺得做唔到一定唔會夾硬嚟。陳木勝好好,為顧及我嘅人身安全,喺旁邊準備咗隻駁艇隨時Stand By,工作人員手持水底攝錄機潛入海中,捕捉畫面最傳神嘅一面,我覺得效果好好囉!」陳木勝則戥家輝「心痛」:「好多工作人員發現佢凍到騰騰震都叫我咪拍咁耐,家輝真係好盡責同專業。」此外,忙拍戲的家輝還抽空參與林超賢新片《激戰》的後期配音工作,該片將有10分鐘宣傳片安排於康城影展期間曝光,以吸引海外洽購者,家輝亦對此片充滿期望。