郭富城拍糟質戲加「倍」
楊采妮獲贈蛋糕預祝生日即驚喜掩嘴，城城則大送祝福！
「搣甩粒Lynn」的郭富城（城城）昨日心情靚爆現身深圳觀瀾湖，宣傳楊采妮（Charlie）首次執導的電影《聖誕玫瑰》，下月生日的Charlie獲贈玫瑰形蛋糕，城城則祝她奪得下屆金像獎「最佳新晉導演」：「我就唔會有提名o架喇，惟有祝福你啦！」並大灑鹽花：「佢係處女，處女拍戲呀！（今屆「金像影帝」未獲提名，有冇大受打擊？）過咗去就算，祝福Charlie，第一部電影有獎好重要，見佢咁用功，都想做導演。（想攞影帝先再做導演？）唔識計，計唔到嘅嘢唔去計。」
楊采妮獲贈蛋糕預祝生日即驚喜掩嘴，城城則大送祝福！
城城與楊采妮老友鬼鬼，默契十足！
他大爆獲Charlie加雙倍片酬，卻埋怨被對方糟質，在又冷又冇暖氣的情況下拍畢水底戲後，患上肺炎兼咳足一個月：「可惜Charlie冇着Bikini跳落水，如果慶功叫佢着三點式，幫佢買Bikini！」Charlie則尷尬地說：「我冇應承，但好好笑！其實拍水底戲嗰陣係夏天。」
而城城「舊愛」熊黛林昨日於微博上載沉思遠眺風景照，寫道：「新加坡，很美，很舒服，好想在這裏多待幾天。」
