朱慧敏望《愛．回家》搞舞台版

小品經營的處境劇《愛．回家》收視平穩，上周更壓倒兩線重頭劇，平均收視有24點。其實此劇收視及口碑向來不俗，更一度添食，劇中多位演員如劉丹、姚瑩瑩、趙永洪、楊卓娜及張達倫等演出獲讚，而劇中感情線發展亦備受關注的「鬥氣怨家」朱慧敏與黎諾懿，對收視成績亦表開心，朱慧敏說：「可能我哋套劇老少咸宜，都有睇其餘兩套，巿場上應該有唔同劇種，不過我最想係劇集受歡迎之餘，成班演員可以一齊登台、搞舞台劇就最好，依家劇本出到280集，仲有20集，希望可以再添食！」而黎諾懿則打趣說：「我係福將吖嘛！哈哈！所有演員都開心，不過有時觀眾口味難捉摸，可能呢排鍾意輕鬆少少嘅劇種。」而劉丹表示有捧《金枝慾孽貳》場，指北方人喜歡聽崑曲，惟港人可能不太熟悉。