《天與地》

《神探高倫布》的李添勝與《金枝慾孽貳》的戚其義均是無綫金牌監製，前者的《巾幗梟雄》系列收視、口碑及獎項「通殺」，成績毋庸置疑，戚其義亦「拍親都係重頭劇」，以往《天地男兒》、《創世紀》及《金枝慾孽》口碑收視俱佳，奈何之後的《火舞黃沙》、近年的《天與地》及《心戰》等重頭製作成績只屬一般。

《天與地》

《巾幗梟雄》

戚其義、周旭明

李添勝

李添勝唔甘心

對於近日推出作品被指題材複雜，更有不少觀眾「睇唔明」，李添勝坦言對《神》劇收視低迷感不開心：「話冇就呃你，我哋有檢討，原來到2013年要求觀眾坐定定睇係唔得，親友係電視精都話唔明，我就覺得冇乜理由，我哋只想畀心機做唔同嘅嘢，但師奶觀眾Miss咗兩集又會話睇唔明。唔會怨天尤人，係做得耐唔甘心囉！我都有叫祥仔、嘉年咪灰心。」說到今次「老貓燒鬚」，他說：「係唔忿氣，傳統嘅嘢我唔會唔識做啦！」而與戚其義合作無間的編審周旭明則表示，對於收視問題一概不回應。