對於老公丁子高安排的驚喜派對，千嬅感動得差點落淚。

丁子高大前日為老婆楊千嬅在澳門舉行驚喜派對，補祝老婆首奪金像影后殊榮，他特意安排千嬅三十多位密友同到澳門，早前割除纖維瘤的千嬅，是夜破例獲准飲一杯香檳慶祝。

對於老公丁子高安排的驚喜派對，千嬅感動得差點落淚。

丁子高破例畀老婆千嬅飲一杯香檳。

丁子高安排好友如黎芷珊（右一）及Lucky Hell等，為千嬅補祝首奪金像影后的殊榮。

吞劍紋身女郎Lucky Hell藝高人膽大。

千嬅早前入院割除纖維瘤後，便留在家休養，一向是愛妻號的丁子高，有見千嬅身體已康復，為氹太太開心，他秘密約了千嬅一班好友到澳門為她慶祝。為製造驚喜，事前只向千嬅稱到澳門新濠天地睇「Taboo色惑」騷，昨日丁子高說：「千嬅第一次睇騷，覺得好睇，睇時又緊張到嘩嘩聲，完騷後有幾個演員Lucky Hell（吞劍紋身女郎）同Talia（舞藝女神）知道佢係藝人，仲落台同佢影相。（千嬅最鍾意邊個演員？）佢最鍾意Lucky Hell同女歌手Cassie Mclvor，Cassie歌聲好似海豚咁美妙。（Cassie Mclvor同千嬅邊個啲歌唱得好聽啲？）唔同嘅，千嬅講嘢都好好聽。（鬧你時都咁好聽？）佢唔會鬧我。」

冇時間造人

完騷後，丁子高帶千嬅唱K，其實是為千嬅開派對，她見K房內全是自己的朋友，才如夢初醒知道為她開Party，感動得差點哭了出來，千嬅更獲准飲一杯香檳，並在澳門住了一晚，盡興而回。曾說過要罰千嬅年底生仔的丁子高，被問有否順道在澳門造人？他說：「梗係冇，佢今年咁忙，拍完戲先啦！等年尾先，我都好忙。」