敖嘉年坦言不會因新劇被批評而不開心。

視帝黎耀祥與敖嘉年擔演的《神探高倫布》反應欠理想,更有網民要求腰斬,祥仔昨日為《巾幗梟雄之諜血長天》試造型時指對《神》劇收視平平有所領悟,是一個很好的經驗:「冇為意觀眾水準大大提高,部劇好多地方需要交代,不能為求戲劇效果而忽略合理性。我都係第一次畀人鬧得咁勁,我冇辦法保證拍啲劇一集比一集好,亦唔會因為被批評唔開心。」

敖嘉年坦言不會因新劇被批評而不開心。

黎耀祥為新劇試造型時表示,沒有為意觀眾水平提高。

有指《神》劇其中一個片段「搞屎」佔幾分鐘,敖嘉年前晚在運動會上說:「拍呢場戲都冇一分鐘,整體而言,部劇都幾得意,我同黎耀祥嘅重頭戲未出,有唔少辛苦演出,好似打到周身傷,碌落樓梯,劇組拍時唔想劇情千篇一律,搞搞新意思卻吃力不討好。」