霍震霆與小朋友合照時十分開心。

跳水王后郭晶晶去年下嫁奧委會會長霍震霆之子霍啟剛，晶晶近日穿鬆身衫裙出席活動時腹部隆起，疑有數個月身孕。霍震霆前晚出席《第四屆全港運動會開幕典禮》時，獲小朋友邀合照，他開心搭住小朋友膊頭，笑到見牙唔見眼。問到是否快做爺爺所以笑得咁開心？他說：「有少少笑容啦！（未夠三個月唔講得？）你哋打電話問我個仔啦！」問到何時知道喜訊？是男孫還是女孫？霍震霆一味笑說：「你問我個仔啦！（你做爺爺都唔講得？）多謝關心。」當他被追到門口，發現未見座駕等候，他笑說：「連架車泊咗去邊都唔知。」

霍震霆與小朋友合照時十分開心。

任表演嘉賓的李克勤受訪時突然叫記者手下留情放過其兒子：「我一直有剪報習慣，近日我個仔中招比率相當高，連上校外課程都畀人影，我兩父子畀人影同時，唔願意出鏡啲家長都上埋鏡，真係要停一停，唔該，想要相，Call我，我去影，Send畀你哋。（譚詠麟囝囝譚曉風被爆報讀牛津？）朋友已經頭痕，仲有微言，前輩嘢唔講咁多。」