李嘉欣表示其性感打扮未有被老公過目。

大美人李嘉欣昨日以大使身份出席《愛彼女皇盃》活動，打扮性感的她表示衣着沒有給老公許晉亨過目，亦抗拒與老公穿家庭裝，與囝囝則冇所謂，覺得很可愛。她透露囝囝很頑皮，經常篤她的化妝品：「依家化妝品有晒佢啲腳印同手印，我有同佢講媽咪啲化妝品係限量版，佢有時知我出活動，就鍾意匿喺我裙內玩。」

李嘉欣表示其性感打扮未有被老公過目。

嘉欣透露若囝囝做錯事，都會打手板懲罰：「打佢我都會心痛，但都要交戲扮惡，因佢知咩位食到我，但Daddy一惡，囝囝就驚。」並指囝囝前日在家跌倒：「跌得好甘，真係搞到我心臟病嚇死，點知囝囝幾秒後就狂叫、笑同再跑，湊仔仲辛苦過以前拍戲通宵冇瞓覺，唔明點解啲人可以生幾個。」