雷頌德爆側田自閉

音樂人雷頌德日前上《娛樂onShow》接受主持俞詠文訪問，大爆與歌手相處的趣事，除指側田有自閉外，又大讚方力申和鄧麗欣為「金童玉女」，看好他倆有情人終成眷屬。

雷頌德（Mark）日前接受《娛樂onShow》訪問，主持俞詠文（Angela）當然也把握機會，向Mark大逼供，要他大爆曾合作歌手的秘密。Angela直接了當地問：「側田發過你脾氣？」他雖然表示沒有，卻語出驚人：「佢做音樂好開心，反而做宣傳唔開心，因為佢有少少自閉，同我有啲似，所以當佢見到多人，就會覺得驚同有少少唔舒服！」

讚小方Stephy登對

此外，Mark正忙於籌備其作品展，除邀得黎明和陳慧琳助陣外，又找來「金童玉女」方力申（小方）和鄧麗欣（Stephy）。

他曾為小方和Stephy創作過不少合唱歌，Angela問他如何看二人戀情時，他大讚登對，又認為他倆會有情人終成眷屬：「我睇好佢哋，覺得幾襯，而且佢哋亦都係好隨和嘅人，唔會有一個特別激氣，又冇話有一個人特別要話事！」

談到家庭，Angela問有三名兒子的Mark為何不追個女時，他毫不思索地表示對生女死心，並說：「梗係冇啦！如果要諗之前都諗咗，不過出嚟都係生仔，都冇得估嘅！」