周秀娜「隱形」徵男友

周秀娜（Chrissie）今年初宣布與拍拖六年的男友陳偉成（Avis）分手後，一度被傳因情傷而厭食暴瘦，她表示早已拋低過去：「分手嗰時係會覺得可惜，人始終有感情，但都要向前望！依家日日都好開心，好樂觀，我做咗bossini嘅服裝代言人，連Slogan（口號）都係『Be Happy』！」

她笑言沒有男友陪伴，但可藉公仔慰寂寥：「品牌送咗我最鍾意嘅Winnie The Pooh公仔畀我，晚晚攬住個公仔就已經開心！」談到擇偶條件，她透露對方要接受一位「隱形」女友：「為咗做嘢，我成日都要周圍飛，如果要做我男友，一定要廿四小時On Call，甚至突然之間搵我唔到，因為我依家忙到連父母都好少見！」