陳宛蔚唔靠男友上位

無綫「味之天使」陳宛蔚（Calinda）是金牌監製錢國偉的女友，外界總以為她依靠男友在娛圈闖出「錢」途，其實，她畢業於英國倫敦名牌大學，學識像其胸襟一樣廣闊，出身於富裕家庭的她，家底更像「事業線」一樣深！

去年由無綫過檔王維基香港電視旗下的「味之天使」陳宛蔚（Calinda），擁有英國著名學府倫敦經濟學院的經濟學位，入行前更是兩間時裝店的老闆娘，她透露參選港姐只為克服心理關口：「以前中學考試時要喺全校同學面前表演彈琴，但我太驚，仲搞到要食藥，表演時都仲手震，我冇諗過要當選港姐，參選都只係想克服怕上台嘅心理關口。」

「錢女郎」唔易做

身為金牌監製錢國偉（Wilson）的女友，外界認為她只為了在娛圈博上位才冧男友，但「有腰骨」的Calinda澄清絕無此事，更坦言因「錢女郎」的關係令不少有意找她工作的人卻步：「有人會認為我靠Wilson嘅關係而多咗Job，但絕對唔係！反而有啲人仲因為咁唔夠膽搵我拍劇，可能擔心有啲咩誤會得罪咗我，又會得罪其他人，其實我好無奈！」

她自言身邊一直不乏追求者，但只被Wilson電暈：「一直都有好多人追我，佢哋嘅條件都好好，有博士生、有12架跑車嘅富二代，但我都拒絕咗！（Wilson有咩吸引你？）佢份人好有衝勁，又有才華，最重要人品好，而且好隨和，識照顧人之餘又細心。」提到男友的優點，即形容得如此巨細無遺，愛慕之情溢於言表！