羅子喬「鬼上身」1 Take過

女新人Bella自幼在澳門長大，近日過江追隨師姐DaDa殺入影圈，首次拍攝電影《爛滾夫與爛滾妻》，除與杜汶澤有對手戲外，更會奉上銀幕初吻，別以為Bella單靠靚樣上位，其實重頭戲落在一幕扮「鬼上身」的戲份上。劇組為求逼真更拉大隊到香港鬧鬼勝地取景，單是現場環境已令人毛骨悚然，不過看似弱質纖纖的Bella膽識過人，處之泰然，加上對演戲很有天分，所以全程1 Take過，得到王晶及杜汶澤極力讚賞，前途無可限量，她謙虛地說：「我都估唔到會1 Take搞掂，仲得到工作人員掌聲鼓勵，我反而覺得最緊要係冇阻人收工。」Bella又透露與阿澤的緣分：「阿澤係我以前做模特兒第一個見到嘅藝人，估唔到依家第一套戲就係同佢做對手，佢係一個好前輩，會教我點做帶我入戲。」

唔介意裸露演出

數年前曾拍攝廣告及寫真的Bella，直至最近才下定決心在娛樂圈大展拳腳，倣效師姐DaDa，誓在青黃不接的影壇中闖出一片天：「DaDa教咗我好多，我搬嚟香港都有一段低落嘅時間，佢幫咗我好多，大家相處融洽，我會以佢為目標同榜樣。」Bella又透露正專注學習中國武術，為將來作準備，更指若有好劇本不介意性感示人：「學功夫可以強身健體，同埋識番幾招防狼術，就算第時拍動作片都得，話唔埋可以做新一代武打女星添！至於性感底線就係三點不露，不過若然真係有好劇本都會考慮吓！」