李思捷上陳雅倫香閨會伯母

李思捷最近被指與47歲的陳雅倫撻着，昨日他接受電話訪問時指二人相識20年，多年前在多倫多登台時合作過，其後保持聯絡，視對方為家姐：「我哋會一齊去蒲，飲咗酒攬頭攬頸都會，同異性朋友吃喝玩樂好平常。（互去對方屋企？）有幾出奇呀！佢屋企有阿媽，我又有阿媽，我都有叫佢上我屋企，叫我阿媽煮餐飯佢食。」並否認與女友「春卷」王宝宝同居。

而陳雅倫亦強調與思捷是好友：「我同佢公司嘅拍檔係好朋友，佢哋想我合作兼搵我拍電影，所以不時一大班人去思捷或我屋企開會，唔明點解男女之間做朋友都會傳緋聞！」她又不避嫌在微博分享與思捷在喬寶寶暫別派對中的合照，二人大方排排坐。