戴3億珠寶喊驚 嘉欣水着寫真撼o靚模

鍾嘉欣昨日為《弘愛．納福─中國全國珠寶展》剪綵，並戴上價值3億3千萬港元的翡翠觀音首飾，與佩戴1億6千萬港元冰種翡翠首飾的姚書軼行騷。嘉欣坦言心驚驚：「我不斷摸住佢，好驚會跌，呢副身家真係好大又難孭！」她表示媽咪留了龍鳳鈪及翡翠玉器給她作嫁妝，又透露日前到關島拍攝首本寫真，預計7月在書展推出，問到會否穿比堅尼，她說：「有，但有好多衫Over個Bikini，去到關島陽光與海灘，冇理由着冷衫落水！最性感係我眼神，因為我成個身入咗水，得個頭凸出嚟。（太性感驚伍允龍詐型？）唔識答，但我驚媽咪會詐型！」姚書軼則自爆10年前曾儲錢買兩卡鑽石作投資，怎料好友指3卡才保值，令她很灰！