超儀亂髮拍廣告靠魔術手變靚

率性的何超儀一向對儀表不太在意，故早前她到日本築地拍攝日本番茄汁飲品KAGOME廣告時，秀髮被海風吹到猶如雀巢般，都毫不介懷。但廣告最終用CG技術執番靚，超儀大讚導演的「魔術手」很厲害：「呢個導演係日本音樂大師坂本龍一旗下，曾經幫中田英壽拍廣告，今次我哋喺海邊拍，個頭一直吹到亂晒，整咗好多次都唔掂，最後要靠導演用CG特技執番，效果仍然咁自然。」

正積極發展音樂事業的何超儀，揚言已購得梅艷芳、張國榮及羅文等巨星的某些歌曲版權，並將多首經典作品重編成其新歌，並製作成一張專輯碟「80再玩」，向前輩歌手致敬。