李思捷陳雅倫搞埋咗

47歲女星陳雅倫（Ellen）與現年39歲李思捷爆出「姊弟戀」！兩人早在十多年前已認識，Ellen與李思捷最近出雙入對，終擦出愛火，並不時到訪對方家中度春宵！

有消息指現年47歲的女星陳雅倫，與現年39歲的無綫藝人李思捷秘密撻着。據悉兩人早已認識對方，但最近才突然燃起愛火。李思捷最近不時孖着Ellen到處吃喝玩樂，由於兩人同住何文田，故不時到對方家中過夜。

感情路不順

1985年入行的Ellen是90年代女星，曾拍攝逾30套電影，1993年更曾拍攝三級片《危情》，並於同年推出全裸寫真，成為一時熱話，她現時多在內地拍劇。而其情路並不如意，先在2000年與拍拖11年的音樂人黃尚偉分手，其後曾與楊婉儀現任老公王瑞勳拍拖1年。

2005年，她曾被拍得與吳鎮宇在夜店激咀，惟兩人事後解釋只是角度問題，至2008年，有傳她與黃秋生因拍劇而撻着。

李思捷的「正印」女友春卷一直被視為「阿嫂」，思捷每次出席飯局或工作，她都陪伴在側。

記者昨晚致電春卷，提到李思捷與陳雅倫的緋聞，她表示不知情，並說：「我唔知，傳完一個又一個，耐唔耐就有個新o架啦！都好多個o架喇！」問到是否不相信兩人拍拖？她說：「我覺得好笑啫！我同佢一齊，佢又點會有其他人？當係一個話題囉！」春卷表示知道思捷跟陳雅倫相熟：「佢哋好熟，當佢阿妹咁。（佢大過思捷！）咁係家姐囉！（有冇試過三個一齊出嚟？）冇。」問到若男友真的與陳雅倫拍拖，會否分手？她說：「如果係真嘅話，第一個都係我知先啦！我都費事問佢！我又Feel唔到啲乜。（男友成日有緋聞，你好慘！）當行桃花運囉！」