阿葛用埋下巴買嘢飲

葛民輝日前相約友人到銅鑼灣的粥麵店開餐，向來大細路的他點了美食，即獨自外出閒逛，連便利店亦不放過。他入內睇雜誌打發時間，零食、日用品統統睇一餐，但最後沒有收穫，扁嘴返回食店食粥。不過，未夠廿分鐘阿葛又坐唔定，再入便利店，目標清晰地直入飲品櫃，取了五支飲品往付款，由於兩隻手都攞唔晒戰利品，惟有捧在心口，再用下巴頂住行，相當搞笑。