歌手連詩雅（Shiga）昨出席時裝店開幕，有份行騷的她自嘲身材欠佳，故冇膽行泳衣騷，她說：「要有肉地嘅地方就冇，唔應該有嘅地方就有。（豐胸？）如果開刀唔會，好驚！不過知有唔少技術豐胸，好似按摩咁。」問到會否打針豐胸？Shiga說：「唔會喇！中醫針灸仲可以，不過有需要先會試。」她又透露近日積極收身：「嚟緊會拍葉念琛套戲，想有番啲線條。（有床戲親熱戲？）冇！」由於車禍身亡的陳僖儀本亦有份參演，問到換角一事？她說：「呢個敏感時間唔會問咁多。」
行時裝騷的Shiga，自嘲身材欠佳。
