伍詠薇黃德斌譜禁戀

「淳太妃」伍詠薇（伍姑娘）在無綫劇《金枝慾孽貳》跟「如妃」鄧萃雯大鬥演技，她透露上集後宮爭寵及如妃出奸招，都是由她虛構出來陷害如妃的謠言，後又招攬飾演下人的黃德斌為她收風，最後互生情愫，譜出「禁戀」。未開拍前不認識雯女的伍姑娘坦言見到對方感壓力：「入劇時見到佢個造型已經成個如妃咁，我就好似觀眾咁睇佢，頭一、兩個禮拜我睇晒啲對白，記得晒，但佢一噏完啲對白，我就唔記得晒，變咗小學雞。之後佢哋畀好多支持、提點我，令我進入角色後演得好爽！」不少觀眾大呻看不懂，德斌說：「睇開阿戚作品嘅人都會熟悉，我覺得畀多啲唔同選擇觀眾。」