徐淑敏暴瘦上圍縮水

徐淑敏（Suki）昨日出席服裝品牌活動時明顯再瘦一圈，未知是否因老公黃浩有是非兼官司纏身令她受困擾，她亦坦言瘦了：「係呀！因為掛住做嘢，唔食嘢。（老公心痛你？）佢笑我貨不對辦呀！因為上圍縮咗水，我覺得好Hurt囉！不過佢都有叫我早啲瞓，同埋食多啲嘢。」談到四川雅安地震時，她自爆剛信了主：「我會為災民祈禱，我同老公尋日去咗基督教教會活動，決咗志。」高皓正早前自爆幫女藝人驅邪，而Suki亦是嫌疑人物之一，但她否認信主和高皓正有關：「我同佢都唔係同一個教會，係同林以諾牧師同教會，係啲教友好熱情，邀請我同老公去飯敍，先會舉手決志。（信教係一時衝動？）唔係，求個平安。（為咗老公黃浩同曾志偉單官司？）冇諗呢啲，有信仰，會令人生圓滿。」