有愛情滋潤的滕麗名，與男友感情穩定，不時拍拖買餸玩煮飯仔或出外旅遊，早前放長假期的她，到了菲律賓一個小島鬆一鬆，她昨日接受電話訪問時表示在當地潛水，玩得很開心。至於工作，阿滕現忙於拍廣告及登台，笑言等劇拍：「同公司傾緊劇，等緊開工，之前拍咗部《熟男有惑》都就快播，趁呢段空閒時間，我咪學吓嘢先囉！（學咩？）想讀有關紅酒嘅課程或者考牌，唔係鍾意飲，因為自己易醉，但鍾意研究，做品酒師都好，依家好多人考呢個牌都去開餐廳。」問她是否有意染指飲食業開餐廳，她說：「唔一定，賣酒都得！」