Rosemary口快快認有喜

名模Rosemary與男友愛得甜蜜，感情穩定已進入同居試婚階段。她昨日穿鬆身裙出席活動，惹來大肚疑雲，期間更口快快認「有喜」，之後改口稱因有宗教信仰，要婚後才生BB。

昨日，名模Rosemary穿低胸裙出席apm商場摺紙活動，現場模特兒穿上用真錢摺成的連身裙，Rosemary大讚特別。提到其上圍很豐滿？Rosemary表示連身裙是男友Jason在印度購入：「佢會送衫畀我，有時會送珠寶。（幾時送鑽戒？）未知。」她又稱與男友講心不講金，一齊努力搵錢建造兩人的將來。問到着鬆身衫是否有喜？她口快快答：「有。（有BB？）冇。（接受未婚懷孕？）唔係問題，但傳統上同我宗教信仰就要婚後先生。」

唔介意有繼父

Rosemary透露與男友已對結婚有共識：「要慢慢嚟，多時間相處先，希望大家見識多啲先，遇到啱嘅人已好好。」另外，問到如何與媽咪慶祝母親節，她稱還未約定時間，又指媽媽退休後周圍去旅行，至於會否希望媽咪有新戀情？她說：「佢未有男朋友，我都想佢有，自己唔介意有繼父。」