林峯簽名成全「老襯」

林峯前日以代言人身份於北京出席活動，吸引大批市民圍觀，雖然H7N9禽流感於內地未受控制，但阿峯未有擔心，還與在場的三對準新人玩遊戲。剛巧三位準新娘均是阿峯粉絲，準新郎即花盡心思擺阿峯上枱，當中一個更拿出其演唱會DVD要求阿峯簽名，作為求婚禮物，阿峯聞言即笑言有壓力。

提到近日網上出現疑似跟女友吳千語秘密註冊的照片，阿峯否認：「梗係唔係啦！只係啲食飯相啫！都唔明點解有呢啲傳聞，我知大家好關心我，但私人事唔想講太多，依家以工作為重，6月拍完套劇又開另一部，根本冇時間，希望畀啲空間我，同埋將焦點放番去我工作啦！」對於四川雅安地震，阿峯寄望災民早日重建家園，又為拯救隊伍及災民打氣。