學友志偉助肥姐償願

肥姐沈殿霞已離世五年，據知肥姐生前心願是希望看到寶貝女鄭欣宜在紅館開騷，故肥姐生前的星級好友將於6月1日肥姐生忌當晚，在紅館舉行紀念演唱會，讓欣宜一嘗紅館踏台滋味，以完成肥姐未了的心願！

今年是肥姐沈殿霞逝世5周年，為懷念及傳承肥姐生前的開心果精神，其一眾生前好友包括汪明荃、曾志偉及張學友等將於肥姐生忌6月1日當晚，在紅館舉行《開心果永遠欣想妳演唱會》。今次的紀念活動由曾志偉作召集人，當晚除學友、汪明荃及鄭裕玲等好友會上台演出外，據知張德蘭、草蜢、周華健、薛家燕、盧海鵬及任賢齊等都會鼎力支持。

演唱會大部分時間會由肥姐好友輪流上台獻唱，並細訴昔日與肥姐相處的軼事。據知肥姐生前其中一個心願是希望愛女鄭欣宜能夠在紅館演出，故演唱會另一部分會由欣宜表演約20至30分鐘，猶如欣宜的小型紅館騷，藉此完成肥姐心願！

歡迎秋官買飛捧場

而消息指欣宜正秘密練兵，但問到表演內容時，演唱會統籌謝先生表示同台嘉賓名單未落實，因此仍是未知數，他透露全部嘉賓都屬義唱性質，即使能將全數12,000張門票售出，估計仍要虧蝕兩萬多元，故製作費上會盡量「慳皮」，但若有盈餘，會交由志偉捐出作慈善用途。另外，問到可會邀請欣宜爸爸鄭少秋作嘉賓？他說：「末諗過，亦冇打算請，如果佢買飛入場嘅話都會歡迎！」