周秀娜被虐打周身瘀

性感女神周秀娜(Chrissie)昨日以代言人身份與「細細粒」陳嘉佳出席減肥產品活動,穿上露臂連身短裙的Chrissie雙臂和雙腿明顯有一撻撻瘀青,她說:「我畀人虐打,全身冇一忽好肉,尋日拍戲畀人掟埋牆,搞到面腫兼周身瘀。部戲要拍到5月,我喺戲入面會打同捱打,所以會Keep住周身瘀同周身痕。(點解周身痕?)因為拍戲嘅地方與世隔絕,污糟又好多蚊。(覺唔覺得行性感比做打女舒服?)打都要性感o架!我喺戲入面嘅衫比較清涼,加唔到防禦措施。(再拍打戲會唔會加片酬?)會,要逐樣加。(你身手敏唔敏捷?)敏捷o架!(咁都周身瘀?)我要1打10o架嘛!」為了有足夠力量拍打戲,早前試食減肥產品暴瘦的她現已停食,體重亦已回復100磅。

周秀娜

穿上性感露臂連身短裙的Chrissie,雙臂明顯有一撻撻瘀青。