趙碩之「斷背」行街斷正

曾傳「斷背」的趙碩之（Wylie），大前日「封胸」到中環購物，同行還有一名長髮女友人。兩人於時裝店內有說有笑，並不時給對方意見。其後，她們拿着戰利品步出，見到記者拍照，女友人即尷尬地躲在Wylie身後，而Wylie則笑笑口大方企定讓記者拍照，然後搭港鐵離去。

Wylie昨日接受電話訪問時，大方承認對方是其同性密友「沙律」：「以前同初戀男友散咗，諗住唔會再同男仔拍拖。有一日我去搵個好朋友傾偈，個女仔（沙律）當時在場，覺得佢好爽，性格幾好。以前我讀女校係學校風頭躉，係好多女仔心目中嘅偶像，當時我諗，入咗行都會有人傳我斷背o架啦！都唔爭在啦！冇耐我哋就一齊咗，即使依家分開咗，都仲係好Close嘅朋友，經常Update大家工作狀態同感情生活。」她表示現時有追求者，但不會心急。