黃榕自爆疑染H7N9

性感女星黃榕前晚穿上比堅尼，為張栢芝弟弟張柏文有份設計的手錶活動擔任模特兒，問她可擔心「人身安全」？她說：「我成日喺內地工作，內地嗰啲人仲熱情啦！而且我喺香港不嬲都係性感o架啦！」她又自爆懷疑染上H7N9禽流感：「我啱啱喺內地返嚟，之後又屙又嘔，仲有少少發燒，已經睇咗醫生，嚟緊仲去北京做嘢，諗住帶杯麵過去，盡量唔出去食嘢！」她又透露今年仍會推出寫真集，並打算到北京取景。而同場的o靚模何佩瑜（Jeana）則撐男友柏文場，並自認是背後的女人，她亦將赴內地工作，問到會否擔心H7N9？她笑說：「成個劇組啲人個飯盒都有雞，冇得避！」