盧巧音：娶我唔平o架

盧巧音（Candy）與未婚夫兼樂隊Kolor成員蘇浩才前晚同場出席活動，問到婚禮籌備的進展？她說：「已經影咗婚紗相，喺香港Studio影，婚紗係銀灰色。（會唔會去外地補影？）唔會喇！或者等度蜜月先啦！擺酒方面未知，因為大家都太忙，要遷就。（搵邊個姊妹或兄弟？）應該唔會有姊妹同兄弟，簡單為主。（娶你咪好平？）唔平0架，日後佢就知味道。」問到可有通知圈中好友如陳奕迅等？她坦言沒有，因各有各家庭，大家少聯絡。Candy又表示婚後會繼續工作，生BB則隨緣。至於會否為結婚再紋身？她笑說：「就係因為結婚先停。（未婚夫作首結婚曲？）佢有作咗首歌畀我唱，不過唔係為結婚，係為慈善。」