吳業坤節衣縮食買結他

巨聲幫吳業坤一向給人傻氣的形象，但講到音樂，他則非常認真。鍾情彈結他的坤哥，參加《超級巨聲》時，不時自彈自唱，雖然當時評判對他的結他技術評價一般，但他都沒有放棄，繼續努力練習。

去年坤哥為買心儀結他努力儲蓄：「個結他係上年買畀自己嘅生日禮物，要成六、七千蚊，第一次買咁貴嘅結他！」為了買這Dream Guitar，坤哥節衣縮食省錢，他笑說：「個結他我想買好耐，儲咗三個月錢，午餐都唔敢食，淨係食平價下午茶，凍飲要加錢都唔敢飲！」他又表示買一個好結他除了因為興趣外，更是長遠投資：「都算係投資，因為一個好結他，可以令我表演嘅效果更好！對我都有好處，所以貴啲都係值得嘅！」