「融雪」關楚耀賣口乖 願為TVB作奸犯科
四大唱片公司歌手關楚耀、官恩娜、連詩雅及周柏豪等，昨日在無綫電視城為破冰騷《音樂在綫Mega Live》拜神，主持鄭丹瑞說：「歡迎大家回歸，希望大家多啲上嚟。」而無綫高層陳家揚亦逐一與歌手握手示好。
曾為亞視及香港電視効力的關楚耀，一度傳被無綫列入黑名單，他賣口乖說：「行動最實際，都畀我返嚟唱歌啦！解咗凍，冇晒雪味！TVB係大台，我都想多啲機會見多啲人，覺得好幸運！」他希望為無綫拍劇，即使演強姦、殺人犯也願意：「唔怕影響形象，林峯同吳卓羲都試過露Pat Pat啦！」至於連詩雅則希望與歐陽震華拍劇，今次是她首度踏足電視城，問到會否晒「事業線」，她說：「試過最厲害都係得2吋半，自問身材唔係犀利，唔會特別Sell性感。」
與陳僖儀分屬好友的連詩雅心情未平復，每看見相關新聞便會哭。
主持鄭丹瑞帶領一眾歌手切燒豬。