唔使女友探班 祖藍：我哋冇乜感情

藝員王祖藍、萬綺雯、胡定欣與張繼聰等昨日為新劇《食為奴》拜神，眾人將往上海橫店取景，問到會否擔心H7N9禽流感疫情，祖藍說：「冇辦法，盡量小心啦！」談及林峯不准女友吳千語到內地探班，問祖藍會否效法，他笑說：「唔使驚，女友（李亞男）根本冇諗住探班，我哋過咗嗰個階段，冇佢哋咁癡纏，我哋過晒喇！冇乜感情！」他透露曾獲邀參加內地跳水節目，但因拍劇而推掉，談及節目酬勞可觀，他說：「我愛TVB。」說畢也自覺難頂，哈哈大笑！

至於萬綺雯被拍得與老公講電話時一副冧樣，她笑說：「個個都笑我講電話時彈吓彈吓，不過我諗老公都一樣咁冧。」拍畢《食》劇後，她本計劃與老公到拉斯維加斯旅行，慶祝結婚13周年，但因美國發生恐襲而更改目的地。