小君生哥拍住上開騷

周小君（小君）與周啟生（生哥）兩姊弟視音樂為生命，生哥透露曾經通宵創作，回家時才發現沒帶鎖匙，乾脆睡在家門口，而小君則笑言家中24小時都會播放音樂。兩人在樂壇打滾多年，曾與不同巨星合作，如生哥便曾替林子祥及陳百強等巨星作曲。他年輕時的作品，如代表作《天長地久》，都予人悲情感覺，他感嘆兩次婚姻失敗的經歷對創作有所啟發：「我係個感情失敗者，後生時幻想力豐富，但依家新碟嘅歌都會探討人生。」

小君是歌唱老師，當年曾在香港小姐等大騷做幕後代唱，又做過四大天王演唱會的和音。她強調不喜歡刻板的生活，愛作多方面嘗試，但偏偏未試過與弟弟合作，所以當生哥提出開騷的念頭時，她即一口答應。

兩人下月將於九展開騷，生哥視之為集體回憶：「今次演唱會有8、9成嘅歌都係自己有份製作，仲專登揀啲大家最鍾意嘅歌，就好似喺餐牌度攞最想食嘅嘢出嚟。」小君希望能以自己的方式去演繹生哥過往創作給陳百強及張德蘭等歌手的作品。