張祟基祟德兄弟情深

音樂人張崇德（Peter）與哥哥張崇基（Andrew）在樂壇打滾二十年，一直以二重唱組合形式演唱，可說形影不離。Peter與老婆劉美娟（Eugina）婚後育有一子一女，最近更開辦音樂學校。他們指親人之間多年來能維持良好關係，全賴尊重與坦白。

自小一起參加學校合唱團的Andrew和Peter，感情一向深厚，小時候從未打架，入行後雖曾有意見分歧，但亦無損兄弟情，Andrew說：「意見唔同令我哋睇清楚大家係咩人，知道要點合作，2003年演唱會前試過有唔同意見，但大家都係為件事好，最緊要互相尊重。」

夫妻即場攤牌

Peter與老婆Eugina結婚多年後依然糖黐豆，問到相處之道，他們表示最重要的是「坦誠」，兩夫妻之間絕無秘密：「我哋兩個電話簿同電郵都係互通，有咩唔開心就一定會講出嚟，每晚臨瞓前解決咗佢，唔講只會愈積愈多，好易會爆。」他們更即場「攤牌」互數缺點，Peter率先發炮：「我平日好守時，仲會早到，但老婆可能初入行嗰時做開女主角，慣咗畀人等，成日預到好緊，但近年受我影響都改善咗。」而Eugina亦作出反擊：「佢份人冇咩耐性，成日都好急，有時仲會發脾氣！」

三人2個月前分別獲邀到電台開咪，Andrew和Peter主持音樂節目，並在節目中與嘉賓作現場演出，而Eugina則在節目中大談時代女性應如何在家庭及事業之間取得平衡。