周麗淇遭臨記「放血」

女星周麗淇（Niki）早前與鞋履品牌合作設計高跟鞋，擁有設計高跟鞋經驗的Niki向ontv表示，希望能設計男士服裝，連劇集拍檔謝天華都催她早日成事，她說：「呢個係我目標，希望一步一步嚟。我視沈嘉偉（時裝品牌老闆）為目標，你睇吓佢個時裝王國，我好欣賞佢有生意頭腦同埋時裝觸覺。」提到早前有傳陳茵媺於馬來西亞拍劇時，疑遭臨時演員胸襲，她說：「可能係劇情需要，但自己要小心啲，要識保護自己，如果係真就要即刻同劇組講，避免有更多受害者；我就未試過，但試過畀臨時演員唔小心鎅到我流血。」