黃建東Sell童真搵女友

前港男黃建東（Derek）早前加入兒童節目《問問Master Joe》，圓了兒時夢想，他說：「我細個睇兒童節目見啲會行會走嘅布偶，覺得很神奇，一直好想親身入錄影廠睇吓佢哋係點整同點拍，依家終於有份做兒童節目，所以特別興奮！我做咗AI Derek呢個角色後，出街多咗小朋友問我：『你係咪AI Derek？』又問我隻魔法手錶係咪真？為咗保留佢哋嘅童真，我冇開估，始終做演藝呢行，應該要帶多啲歡樂畀人。」

他又說：「入娛樂圈前喺中、小學教過戲劇，希望有朝一日可以擁有自己嘅戲劇工作坊，教小朋友戲劇知識。（幾時生番個？）實有咁嘅一日，不過依家嘅大前提應該係搵番個女朋友先！」