車車重遊韓國感受浪漫

藝人張紫櫻（車車）早前到首爾拍攝旅遊特輯，她說：「十幾年前因為成績唔錯，家姐帶咗我去漢城同濟州旅行，嗰時漢城都仲未改名叫首爾。不過嗰次印象麻麻，因為臨返香港時遇上颱風，飛機降落唔到，要返濟州住多晚，嗰刻超驚！嗰次之後，我十幾年冇踏足韓國，今次再去感覺唔同晒，一來係我第一次出埠工作，二來首爾好多嘢都變得好靚，餐廳同Cafe都靚，多謝RoadShow畀機會我再認識韓國，好想快啲再去！（韓國男仔都靚？）呢樣就冇研究，剩係留意到好多人塊面貼住紗布都照出街，應該係整完容冇耐！（想去韓國整埋一份？）要整入行前都整咗啦，邊使等到依家？有得揀嘅話，我想整高啲囉！今次我哋仲去咗韓國拍拖聖地，嗰度有張V形嘅情侶櫈，又有掛滿情侶鎖嘅樹，就算幾唔浪漫嘅人去到，都會變到好似韓劇啲男女主角咁浪漫！」