洪永城勁冧陳茵媺

旅遊達人洪永城（Tony）與港姐湯洛雯（Roxanne）到訪法國拍攝《走過浮華大地》，二人首度合作即擦出火花！首次擔任主持的Roxanne感激Tony傾囊相授，可惜Tony不過電，更自爆被「Mo嫂」陳茵媺冧倒！

洪永城與老拍檔黃翠如及Roxanne分途體驗英、法生活文化，走慣烽火大地的他笑指最享受是次旅程：「通常要打仗、冇涼沖嘅地方先搵我去。去完法國多咗留意點襯衫，原來法國人對Fashion嘅執着係逐代相傳，依家我着件恤衫都會加條絲巾搭吓。」談到主持技巧，去年奪得「旅遊大使」獎的港姐湯洛雯感激Tony的幫助：「開頭以為係吃喝玩樂，但Tony教我要去融入當地文化，先可以畀到訊息觀眾。唔好睇佢平時個樣傻傻吓，其實佢每次都做足功課，又有好多獨到嘅想法。」

初哥拍劇被考起

兩人均在外國長大，默契十足，但Roxanne指對方拒絕組成螢幕情侶，原來Tony在新劇《單戀雙城》艷福無邊！Tony笑說：「陳茵媺對眼好真誠，真係有少少畀佢電親；林夏薇就畀好多意見我，一句對白都有好多種語氣。」他的足迹幾踏遍全球，說到拍劇卻是初哥，他坦言被難倒：「做主持較少表情，有次導演叫我做個無奈樣，我做咗幾次都唔收貨，只好向同劇拍檔偷師。成套劇我望得最多嘅係陳展鵬，次次拍佢大頭我都近距離觀察佢，然後返屋企對住塊鏡訓練面部肌肉！」

剛加入《愛‧回家》劇組的Roxanne感同身受：「雖然做主持都要交戲，但拍劇多好多技術要學，加上我講嘢比較快，依家日日讀報紙，要練到唔好『食字』。」她表示既愛做主持，又愛拍劇，亦不介意性感示人：「我嘅底線就係冇底線！我選港姐已經着過三點式，但今次法國實在太凍，所以全程包到實！」