Mark Ryan 開騷冧細路

已進軍教育界一段時間的Mark Ryan，平時在兒童節目上教英文教得有板有眼，本月初更大搞兒童音樂會，楊思琦和李敬剛等藝人亦畀面出席。他於台上又唱又跳，清一色唱英文兒歌，一於大人和小孩通殺，將兒童騷變成個人演唱會，他說：「我唔係專業歌手，準備咗九個月時間去搞個騷，好彩平時同小朋友上堂嘅時候日唱夜唱兒歌，所以上到台一啲都唔怯場。」

雖然工作忙到一腳踢，不過有圈外女友全力支持，再忙都覺得Sweet爆！Mark直言享受與女友的圈外生活：「可能因為試過同圈中人拍拖，如果兩個都係公眾人物，我哋嘅生活會變得太複雜，依家希望生活簡單啲，亦都唔想女朋友接觸圈中嘅嘢。」