鄧伊玲收起性感

「E級教主」鄧伊玲（阿旦）轉型做娛樂主播近一年，她坦言很享受現時的工作，雖然做主持後的「吸金力」不如從前，但她並不介意︰「做Model係搵多啲，但呢個職業唔可以一世，係時候開拓新出路。」問到較喜歡哪樣工作，她沒有直接回答，但表示轉型後會收起E級身材︰「有聽過朋友講，點解唔繼續用你嘅天賦本錢，但我覺得成日都見會好膩，收起都好，所以依家唔會太性感。」

感情上阿旦依然單身，她指蛇年雖然多了桃花運，但因早前遇上癡情男而怕怕︰「最近有個超過十年冇見嘅朋友Send短訊話我知同女朋友散咗，作為朋友會安慰吓，但自從Send短訊後，佢就係咁每日Send好肉麻嘅短訊畀我，嚇親我，之後就冇再聯絡。」