陳庭欣盼踏足烽火大地

港姐冠軍陳庭欣（Toby）現時集拍劇和主持於一身，早前更獻上她的螢幕初吻予洪永城（Tony）！不過提到最想嘗試的工作時，弱質纖纖的Toby反而想倣效Tony深入戰地拍攝節目，拍劇方面則希望演反派角色，果然夠晒另類！

陳庭欣（Toby）口齒伶俐，經常成為大、小活動的司儀，早前於劇集上亦有新嘗試，更奉獻了她的螢幕初吻。事緣她拍攝新劇時，飾演洪永城（Tony）的女友，劇情更講述她要主動向對方獻吻！當問到與Tony是否熟落時，她說：「其實Tony份人都幾Friendly，我之前拍飲食節目嘅團隊，咁啱就係Tony主持節目《走過烽火大地》嘅團隊，所以啲工作人員成日都會講佢哋有幾勁！」

唔介意畀觀眾討厭

雖然Toby看似弱質纖纖，但她希望可以倣效Tony拍攝走訪戰地的節目，甚具冒險精神的她笑說：「其實我真係想拍，雖然女仔去戰地唔係太方便，不過呢啲地方旅行唔會去，除非係做嘢，所以應該係一個好難得嘅機會！」

Toby在主持方面的經驗豐富，但問到她在拍劇上想挑戰甚麼角色？Toby竟不怕破壞形象，希望挑戰反派角色：「我鍾意做唔係咁正派嘅角色，至少可以發揮吓，就算演到畀人討厭都唔緊要，因為咁先代表你成功！」