雨僑昨日在微博指受性騷擾，她透過電話說：「有個歌迷化身唔同網名喺微博留埋啲變態嘢，三級同騷擾，仲話同我做完愛，真係惡心！」她透露對方不時出現其活動：「雖然佢用唔同網名，但我知佢係邊個，我同佢有好多合照。」她表示對方搬到其寓所附近：「喺屋企樓下見到佢，佢一叫我，我即刻跑走，之後喺活動問佢，佢話中咗六合彩搬近我喎！（搬走避開？）唔會！」她強調如對方再做出過分行為會報警。