陳慧琳隔離發燒「蝦餃仔」

陳慧琳（Kelly）昨日出席活動時透露大仔「蝦餃仔」劉昇前晚發高燒，嚇得她立即撲藥：「搵唔到醫生，好彩撲到藥，但最後唔使食，今日已經退燒。（畀佢返學？）冇！起碼抖多兩日先。（學校惹？）係呀！啱啱咳先好番，又有少少鼻水。」她稱即時隔開一對寶貝仔：「細仔啱啱打完一歲針，要隔開佢兩個，流鼻水就麻煩，但佢兩個成日都交換口水，大仔飲嘢又畀細仔飲，幾難避免！」

問到將為好友雷頌德擔任作品展嘉賓，可會帶愛子欣賞？Kelly說：「唔會！怕佢哋驚嘈，如果我帶佢哋去，到時佢哋喊，我個心離一離，會唔記得晒啲嘢。」她謂兒子不太明白其歌手身份。問到兒子在電視見到她可會感到奇怪？她說：「有時佢都會喺電視見到自己或者爸爸，佢覺得個個都得，所以冇乜嘢。」