蓋鳴暉做善事過戲癮

粵劇名伶蓋鳴暉與吳美英將於下月7日假新光劇院大劇場為「保良局慈善粵劇晚會」演出喜劇《福星高照》，屆時保良局總理將粉墨登場過戲癮。蓋鳴暉與吳美英昨日在商場舉行宣傳及慈善義賣，大受戲迷歡迎。

除了為保良局行善，蓋鳴暉稍後將準備神功戲及李居明新劇目，不過她仍抽出暑假檔期給無綫：「珍姐（無綫高層曾勵珍）話我份約就到期，但我成年就淨係得呢三個月得閒。其實唔一定要拍劇，拍飲食同綜藝節目都可以，記少啲對白。（同老友馬浚偉再結戲緣？）前幾日見過佢，佢套新劇應該早過我個期。10年前同佢、陳豪合作《金牌冰人》好開心，都想同佢哋再合作。」