鄧萃雯搞非一般三角戀

藝員苟芸慧被指當「小三」拆散郭富城與熊黛林，《金枝慾孽貳》同劇演員鄧萃雯、伍詠薇、陳豪及龔嘉欣等宣傳新劇時力撐苟姑娘，龔嘉欣說：「佢絕對唔係小三，識佢嘅人都知佢好單純，係好女仔。」陳豪則說：「得啖笑啦！當娛樂新聞睇。」他又否認女友陳茵媺在馬來西亞拍劇時遭「抽水」，指相片只是角度問題。

問到於《金枝貳》孭飛的鄧萃雯可有壓力？她說：「冇喎！緊張係大家對《金枝貳》嘅期待，等咗9年終於出嚟。（要求刪減同性戀劇情？）唔好信雜誌，總之我同蔡少芬、陳豪係非一般嘅三角戀啦！」對於有指佘詩曼秘密客串《金枝貳》，監製戚其義否認：「只係用番上集片段交代，其實好想搵佘詩曼同林保怡拍，度唔到期有啲可惜。」