唔信苟芸慧做小三 香香：佢心地好好

苟芸慧被傳介入「富黛戀」而導致兩人分手，岑麗香力撐好友不會搶別人男友：「唔相信，佢一直都好畀心機做嘢，呢啲緋聞唔會信。我哋以前一齊住，對佢嘅個性好有信心，佢係好女仔、心地好好。」問到可戥城城與熊黛林的七年情玩完可惜？香香說：「我唔熟呢啲新聞，總之祝福大家，希望苟芸慧冇咁多假嘅緋聞，亦都祝福郭富城同熊黛林。」

而曾傳苟姑娘黐汪圓圓釣金龜，圓圓昨日出席活動時表示與苟姑娘認識多年，兩人一同在加拿大長大，但對方沒有透露感情事，問到是否相信苟姑娘是「小三」？她則不願置評。