何嘉麗曾教劍擊 讚閃耀星星

曾參與劍擊運動的Sita原來是前劍擊香港代表何嘉麗的學生，她憶述當年仍就讀協恩中學的Sita已很喜歡唱歌：「我哋一齊唱過K，佢唱歌好好聽又乖！」她得知Sita車禍過身非常震驚：「我覺得佢好有才華，係未來一顆閃耀嘅星星，有台型又有唱功！聽到呢個消息時覺得好突然，瞓唔到！我前兩個禮拜仲喺朋友婚宴撞到佢，佢仲叫我去睇佢嘅騷。」

香港劍擊學校校長黃贊雖不曾親自指導Sita，卻對她甚有印象：「呢位小朋友好開朗，友善，唔會因為係歌手而覺得與別不同。佢拎過學界劍擊冠軍，雖然佢冇繼續玩，做咗歌手，但都好恭喜佢！」而前乒乓球香港代表區婉薇與Sita是中學同學，她說：「佢係一個好貪靚、鍾意表現自己、開朗、鍾意笑同傻吓傻吓嘅女仔，知道消息後覺得惋惜又唔開心。」此外，Sita曾就讀的城市大學在學校網頁上撰文悼念，校長郭位表示在去年的舊生活動上與Sita碰面，大讚她個性開朗及非常支持學校活動，而全校各師生亦向其家人致以最深切的慰問。