沈震軒心痛紅館夢未圓

噩耗傳出後，Sita的圈中摯友都心痛不已，其中身在佛山拍劇的沈震軒，激動得在微博爆粗發洩，他在電話中以低沉的聲線表示，與Sita曾合作電影《喜愛夜蒲2》，甚為投契：「好想返嚟見佢最後一面，我同劇組傾過，但唔可以影響拍攝進度。我離港前同佢唱K，佢作咗首歌諗住同我合唱。」他否認與Sita拍拖，但大讚對方乖女：「佢好努力工作，今次意外可能係太攰所致。（佢有咩心願？）佢好想喺紅館開演唱會！」

而好姊妹HotCha成員Crystal及Winkie都深受打擊，Crystal傷心過度拒絕回應，僅以短訊指Sita是其Best Friend，又在微博表示未能接受；Winkie則震驚到喊，自責欠對方一餐生日飯。而Sita的鄰居兼好友朱紫嬈亦狂喊，並憶述二人不時在寓所樓下見面，又會互相借衫。至於曾教Sita唱歌的杜麗莎，昨日出席活動時驚聞噩耗即激動落淚：「嗰陣我叫佢唔好讀咁多書，因為佢唱得幾好。」