黃翠如揸6位數蟹貨

藝人黃翠如昨日與洪永城宣傳旅遊節目《走過浮華大地》,身穿露背晚裝的她笑說:「已經好性感喇!喺節目度要着貴價名牌衫,本身好低胸要真空,但我接受唔到,自己加咗背心。(咁吝嗇身材?)有就唔吝嗇啦!呢次去完歐洲想學投資搵錢,不過之前買親都蝕,有6位數字股票仲做緊蟹貨。」

此外,對於陳茵媺在馬來西亞拍劇時疑被當地臨時演員毛手毛腳,黃翠如表示若遇同類事件會呼叫求救,而洪永城則自爆曾被臨記摸身,嚇得他立即大嗌。

黃翠如難得性感,養眼程度大增!