鄭融早前邀得黃偉文為其新歌《爆》操刀，她昨日接受電台訪問時透露，新歌是其十年唱歌事業的總結：「出道十年經歷咗好多人同事，沉澱咗好多唔開心記憶，好似炸彈咁隨時引爆，要學識將個炸彈放低。」有「小辣椒」之稱的鄭融承認過去EQ極低，經過十年時間鍛煉成功改善EQ：「我唔擅長講嘢，有時仲會控制唔到黑面，要講番聲Sorry，相信嚟緊會愈來愈好。」即將返廣州登台的她又透露日前發燒：「唔驚係H7N9，上廣州前會準備消毒啫喱同食物。」
鄭融接受電台訪問，為新歌宣傳。
